За книгите за креативност

На почетокот на проектот, учесниците добиваат Книги за креативност со различни задачи поврзани со темите што се обработувани во избраните книги. Книгата за креативност е дизајнирана во две нивоа на тежина: едното е наменето за деца во фазата на описменување (деца од предучилишна возраст; основци од 1 и 2 одделение), а другото ниво е погодно за оние кои веќе читаат и пишуваат. И обете нивоа вклучуваат задачи поврзани со избраните книги, кои се многу забавни и ја подобруваат креативноста и имагинацијата на детето, барајќи од негова страна детално набљудување и разгледување. Помалите деца, меѓу другите нешта, решаваат квизови, се движат низ лавиринти, готват и се справуваат со разни други задачи. На крајот од секој дел, децата можат да најдат задача со која можат да се натпреваруваат и како награда да добијат книга. Постарите деца учат песни, пополнуваат букви што недостасуваат, пишуваат вести и имагинативни рецепти, решаваат крстозбори и повеќе предизвикувачки загатки. Сите тие се занимаваат со цртање, физички вежби или активности за движење, учат за знамињата на различни земји, забележуваат разлики, тренираат меморија и се забавуваат со игри инспирирани од поединечни книги. Сите овие активности дополнително ги мотивираат младите читатели и во исто време ги поттикнуваат активно да се занимаваат со читање, а со тоа да ја зајакнуваат својата способност за самостојно изразување.