Издавачката куќа Sinnos е основана во Рим во 1990 година со јасна визија: да објавува книги за деца и млади, да го поттикнува младиот ум и имагинацијата. Од средбите со наставниците, библиотекарите и продавачите на книги, се роди историскиот проект: серијата I Mappamondi, претставена од Тулио Де Мауро кој е цитиран во неколку национални и меѓународни студии за литература за мигранти. Поминаа речиси триесет години од тие рани денови и Sinnos стана издавачка куќа препознаена и ценета од наставниците, библиотекарите, книжарите, а особено од нивните млади читатели. Со текот на годините беше развиен уникатен уредувачки проект, кој преку литература и квалитетни илустрации најде начин да зборува за правата, слободата, личното достоинство, почитувањето себеси, на другите и на светот во кој живееме. Sinnos досега има добиено награди како што се на пример наградата Андерсен, наградата Ченто и Орбил.