ВАНЕ КОСТУРАНОВ значаен дел од својот живот го поминува создавајќи нешта. Понекогаш измислува нови приказни, а понекогаш измислува и илустрира детски книги. Во слободното време црта на хартија и платно, а повремено создава илустрации за други писатели (кои се и познати пронаоѓачи). Ване живее и работи во Струмица, мал и многу приземен град. Тој е еден од најпрепознатливите македонски уметници и автори на сликовници. Неговите уметнички визии се претставени на повеќе изложби и двапати ја доби наградата за најдобра македонска сликовница (2018, 2019).